Elsa se Roer-broodjie
Hierdie is 'n resep wat ek by my ma gekry het. Die basis resep gebruik ek altyd en verander dit dan soos ek wil.
1 x 500g bruismeel
1 x houertjie karringmelk (of maak sommer jou eie suurmelk met melk en wit asyn)
1 x pakkie sop (ek gebruik altyd uie of sampioen, maar het al van die ander geure ook probeer)
1 x koppie kaas, gerasper
Meng die meel, soppoeier en karringmelk saam. Sit in 'n gesmeerde broodpannetjie en strooi kaas bo-oor.
Ek gooi altyd so 'n bietjie rooipeper bo-oor.
Bak op 180 C vir so 45 min, toets met 'n pennetjie om te kyk of dit gaar is.
Hierdie broodjie het ek feta, gekarameliseerde tamatie en uie en pampoenpitte bo-oor gestrooi.
No comments:
Post a Comment