Suurroom-en-kaasontbytskons

Suurroom-en-kaasontbytskons

Bestanddele

65 g botter, gesmelt

125 ml suurroom

1 eier, geklits

2 k (500 ml) bruismeel

knypie rooipeper

knypie sout

1⅓ k (310 ml) cheddarkaas, fyngerasper

2 e (30 ml) vars grasuie, gekap

1 geklitste eier vir glasuring

Metode

1. Voorverhit die oond tot 200 °

2. Meng die botter, suurroom en eier goed. Sif die meel, rooipeper en sout saam. Meng die kaas en grasuie met die meel en voeg by die bottermengsel. Meng tot ’n sagte deeg vorm.

3. Giet die deeg uit op ’n meelbestrooide oppervlak en knie liggies. Druk met die palm van jou hand totdat dit ongeveer 3 tot 4 cm dik is. Maak ’n ronde vorm en merk ses wiggies uit met ’n skerp getande mes. Moenie deursny nie. Plaas op ’n gesmeerde oondbak. Borsel liggies met die geklitste eier.

4. Bak vir 20 tot 25 minute tot goudbruin. Sny in wiggies en dien warm met botter en gerasperde kaas op.

VARIASIE:

Sny die deeg met ’n 5 cm-koekiedrukker en bak kleiner skons vir 10 tot 15 minute. Lewer 12 tot 16 skons.