EENVOUDIGE TAMATIEBREDIE

 In die winter is daar niks lekkerder as 'n bredie nie.

EENVOUDIGE TAMATIEBREDIE

 

Genoeg vir 1

 

125g beesvleis of lam in stukkies gesny

1 ui in skywe gesny

3 naeltjies

3 peperkorrels

1 teelepel fyn knoffel (ek het knoffel en rissie gebruik)

Sout en ‘n bietjie vars peper na smaak

2 aartappels of meer na gelang van voorkeur

2 lekker ryp, vars tamaties

50g of 1 klein tamatiepasta

70g suiker

 

Metode:

Plaas die vleis in die pot.  Sny die ui in skywe en plaas in die pot.  Voeg die naeltjies, peperkorrels en knoffel by en geur na smaak met sout en peper.  Laat oor stadige hitte prut tot vleis sag en ietwat bruin is.  Skil die aartappels en sny in blokkies, voeg dit by die vleis.  Laat prut die vleis en aartappels ietwat, maar nie tot sag nie.  Dompel die tamaties in kookwater en trek die skille af.  Sny die tamaties in blokkies.  Voeg die tamatieblokkies en tamatiepasta by die vleis.  Roer deeglik.  Voeg suiker na smaak by.  Laat prut tot die tamaties deurgekook is.  Sit voor met rys of stampmielies.

  

 

**           Ek het ‘n rooi pepper ook in die pot gesit

                Sny liggies ‘n kruis oor die hele tamatie, gooi in kookwater en na ‘n paar minute kan jy die vel aftrek.

                Ek het ‘n pakkie tamatiesop in gestrooi op die einde om ‘n lekker sous te maak.

                Ek het die gereg in my elektriese stoompot gemaak.