Sjokolade Hawermout Clusters

Gedurende lockdown en 'n mens raak lus vir sjokolade, dan sal hierdie darem help

Sjokolade Hawermout Clusters

½ k botter, in blokkies gesny

½ k kakaopoeier

1 k suiker

½ k melk

3 k hawermout (die wat sê quick cook)

1 k fyn klapper

½ k gladde grondboontjiebotter

1½ t vanieljegeursel

Plaat botter, kakaopoeier, suiker en melk in ‘n swaarboomkastrol.  Meng goed en verhit tot dit liggies kook.  Prut vir 90 sekondes en verwyder van die hitte.  Meng die res van die bestanddele by en skep lepelsvol op bakplaatjie wat met bakpapier gevoer is.  Plaas in die yskas tot gestol.

Wenk:

Varieer die hoeveelheid suiker volgens smaak.

Ek het Museli in die plek van die hawermout gebruik.

Die grondboontjiebotter het ek ook uitgelos.